بناڤێ خودێ مەزن و دڵۆڤان
خوشك و برایێت بەركەفتی

پێشەكی ئەز پڕ ب دڵ سوپاسیا لقا ئێك دكەم بۆ داوەت كرنا من بۆ بەشداری كرن دگەڵ وەیەت خۆشەویست ل ڤێ یادا پیرۆز دا، وە ل عەینی وەختدا ئەز دەستخۆشیێ لێ دكەم، چونكی راستە كارەكێ زۆر زۆرێ پیرۆزە هاتیە ئەنجامدان.

خوشك و برایێت بەركەفتی هەر میللەتەك ئەگەر مێژوویا خۆ نەزانی بێگومان نزانیت دێ چەوا ئایندەی خۆش ئاڤاكەت. مێژوویا مەش یا پڕ سەروەرییە، ئەمما ئەڤڕۆ رۆژەكا تایبەتە، د روژا 1961_12_12 دا گیانەكێ تازە هاتەڤ دان بۆ شۆڕەشێ، مێژوویەكا تازە هاتە تۆماركرن. د وێ رۆژێ دا قەهرەمانێن كوردستانێ شیعارێ كوردستان یان نەمان ب كردەوە ئیسپات كر.

شۆڕەشا ئەیلوولێ كو د رۆژا 11ی ئەیلوولێ دا دەست پێكری، گرنگیاوێ ئەو بوو كو شۆڕەش بویە رۆژەكا نەتەوەیی و سەرتاسەری بەس ب داخەوە زۆر دەوام نەكر، ل بەر هندێ كو هێشتا نەخشەكا تەواو نەهاتبووە دانان. پێش وەخت رژێما ئێراقێ پێشدەستی كر ب لێدانا میللەتێ كورد، وە ل هەمیێ ناخۆشتر میللەتێ كورد هنگی هێشتا ئەو بیروباوەڕێت نەتەوەیی وەتوڤ بەڵاڤ نەببوین كو یەكدەست بیتن و یەكریز بێت ل بەر هندێ زوو تووشی نەكسەیەكا خراپ بوی، مەجموعەیەكا زۆرا كەم ژ دڵسۆزێت ڤی میللەتەی، كادیرێت پارتی وە لایەنگرێت پارتی مانەڤە، ئەمما خەریك بوی ئومێد نەمینیت دناڤ میللەتێ كورد دا. بارزانیێ نەمر دگەڵ ژمارەیەكا پێشمەرگەیێت قەهرەمان وەختێ گوند ب گوند دەست پێكرەڤەوە كوردستان رزگار كر، ب هیمەت و قەهرەمانیا میللەتێ كورد ئو ب تایبەتێ ل ڤێ دەڤەرا پیرۆز.

د رۆژا 1961_12_12دا لێرە كو یامەشهویرە ب داستانا زاویتە، راستی ئەم دكارین بێژین ئەڤە دایكا هەمی داستانا یە، داستانا زاویتە دەست پێكرو ل داستانا كوڕێ تەمام بوی. وە هندی داستانا كو ل پشتی زاویتەی هاتنە تۆماركرن هەمی ئیلهام ل ڤێ داستانێ وەرگرت میزان هاتنە گۆڕین مەعنەویاتێت میللەتێ كورد سەركەفتن، پشتی سەركەفتنا ڤێ داستانێ جارەكا دی قەهرەمانێت كوردستانێ، كادرێت پارتی، دڵسۆزێت میللەتێ كورد دەست دا خەباتا خۆ، وە جارەكادی شۆڕشا ئەیلوولێ وەكو گولەكا چرمسی بێتە ئاڤدان داستانا زاویتەی شۆڕەش ئاڤ داڤە، ئومێد دا تێكۆشەرا هەر ل زاخۆ تا خانەقین جارەكادی دەست پێكرەڤە شۆڕەشێ.

وە ئەڤڕۆ ئەم ل كوردستانەكا ئازاد دا كوردستانەكە كو خەڵكەكێ بەری داستانا زاویتەی چ ئومێدەك نەبوی، وە كەسیش باوەڕ نە دكرد كو چەند پێشمەرگەیەك دێ كارن سنگێ سوپایەكێ مەزن وەكو سوپایێ ئێراقێ بگرن. پشتی شەڕێ زاویتەێ یان داستانا زاویتەی سەركردایەتیا پارتی بڕیاردا هنگی كوشیعارێ مەركەزیێ پارتی (دیموكراتی بۆ ئێراقێ و ئۆتۆنۆمی بۆ كوردستانێ) پشتی هنگی دەست پێكرەڤەوە ل سەرتاسەرێ كوردستانێ رێكخستنێن پارتی دەست ب خەباتا خۆكر، وە زۆر ناوچە هاتنە رزگاركرن بێی كوشەڕ تێدا بێتە كرن، خەڵكێ دەڤەرێ ب خۆ بڕیار داو پەیوەندی بەشۆڕەش كرو ناوچێت خۆ رزگاركرن، چونكی بووان ئیسپات بوی كو بەلێ ئەگەر میللەتەك بڕیارێ بداو ئیرادە هەبی و مقاوەمەتێ بكات دێ سەركەڤیت.

داستانا زاویتەی دەرسەك بوو بۆ هەمیا، بەلێ ژێردەستی مرنە، مرنا ل پێناڤێ میللەت و نیشتمانی دا، ئەو نەمرنە ئەو ژیانە، نیشێ دا بەلێ كو بەرخودان ژیانە، هەقیقەت بەرخودان ژیانە. وان قەهرەمانان بڕیارا خۆدا بمرن بۆ هندێ میللەتەك بژی، ئەو هاتنە مرن چ ئەوێ شەهید بوو، گیانێ وان ئەڤڕۆ شادە، چونكە ئەو كوردستانا وان ڤیای ئو خوینا خۆ بۆ دای، ئەڤڕۆیا ئازادە. بێگومان گیانێ واژی شادە، چونكێ ئارمانجا وان ئەوبوو ئەڤڕۆ كوردستانێ ب سەربەرزی و ئازادی ب بینین. ئەو هەڤالێن كو د ژیانێ ژی دا مای سەرفرازو سەربڵندن ناڤا میللەتێ خۆدا.

ئو مەهند وەفایا هەی كو بێژینێ ئەڤڕۆ ئەم هەمی یێت وێ نانی دخۆین یاكو هنگۆ وێ رۆژێ دا 1961_12_12 لێرە بۆ مە پاتی دۆستایەتیا وا هەڤاڵان ب كەین ئەڤێت كو بەشداری كری، ل داستان زاویتەیی و داستانێن دیش دا. یەك ژوان هەڤاڵان جارەكێ بۆمن ڤەگێڕا وێ رۆژا كوشەڕ، شەڕێ زاویتەی بێژین؛ پشتی كو سوپا و پۆلیسێن رژێما ئێراقێ تێكشكەستی و ئەو كارەسات ب سەرێ وان هاتیە كو هاتیی، ئو ئەو داستانەیە كو چ جاران نەهاتە ل بیركرن هەتا ئەو ئامر لیوایە كو قیادا شەڕی كری تووشی ئینهیارەكا نەفسی بووی و داخلی خستەخانا شێتا كر پاش دوێ رۆژێ دا چ ل دەستێ رژێما ئێراقێ دا نەما ئیلا فڕۆكە نەبن، فڕۆكەیێت شەڕكەر، وی وەختێ هندەك فڕۆكێت ئینگلیزی هەبوین گوتنێ ڤێنم، وی هەڤاڵی بۆ من ڤەگێڕا گۆ هاتن تەیارا زۆر ئەم تەنگاڤ كرین و پێشمەرگەیەكێ جفتەك ڤێ بوو، گوت كو تەیارە رووی بوویە ئامانجێ ئولێدایی و بڵند بووی ئەوی جفتەك بەردا تەیارەێ و تەیارێش كادیش بەردا، گۆت وەڵڵاهی من لێدا منیش گوتێ، برا جفت ناگەتە تەیارێ گوت وڵا چاڤێت خۆ فەحس كە وەڵڵاهی كونەكا چەند منا تێ كری ئەوكادی چیە تێتە دەر ئەگەر من لێنەدابیت. ئەڤە ڤێ هەقیقەتێ بۆمە دەردێخیت كو بەلێ جفت شەرێ تەیارا شەڕكەر ناكەت، بەس ئیرادەا و پێشمەرگەی شەڕێ ڤێ تەیارەێ كر، بیروباوەڕێت و پێشمەرگەی شەڕێ ڤێ تەیارەی كر.


ئەو بیروباوەڕ بوون ل سەر تەیارەو تانك و كیمیاباران و ئەنفال و هەمی زۆرداریا سەركەفتن و ئەڤڕۆ كورردستانەكا ئازاد بۆمە بجهێڵا. دوما هیێ ب راستی زۆر زەحمەتە بەرامبەر وان قەهرەمانان چ ئاخفتنێ دی بێنەكر، ئیللا ڤە نەبی كو ئەم سەربەرزین ب نگۆ، خزمەتكارێت هنگۆی نە، شەرەفا بۆمە هەڤاڵێن هنگۆ بین، ئو هیڤیا سەركەفتنێ بۆ میللەتێ كورد و كوردستانێ دكەم، ئو ئەڤڕۆ خەباتا وەیە سەنگا كوردستانێ گەهشتە ڤێ ئاستێ ل سەر ئاستێ جیهانی كو هەمی دنیا ئەڤڕۆ ب چاوەكێ رێزو تەقدیر بەرێ خۆ دەتە میللەتێ كورد و خەباتا میللەتێ كورد و كوردستانێ زۆر سوپاس و هەر سەركەفتی بن.