لە ماوەی ساڵانی شەستەکانی جیهان گۆڕانکاری زۆری بە خۆیەوە بینی وە ڕۆژهەڵاتی ناوەڕاست و عێراق و کوردستان بە تایبەتی کە تیایدا شۆڕشی کورد هەڵگریسا
سەرەتای گرینگیدانی ئەمریکا بە وڵاتانی رپژهەڵاتی ناوەڕاست،لە نێوانیاندا کوردستان،دەگەڕێتەوە بۆ سەدەی 19 لە سەرەتایئ هەمان سەدەدا ئەمریکا هەوڵی دروست کردنی پەیوەندی بازرگانی و دبلۆماسیدا لە گەڵ ووڵاتانی ناوچەکە بە تایبەتی دەوڵەتی عوسمانی و دەوڵەتی قاجاری لە ئێران داوە،وەک بەستنی ڕێکەوتنامەی بازرگانی لە گەڵ دەوڵەتی عوسمانی لە 1830 وە بەهەمان شێوە لە گەڵ ئێران لە 1856.وەکردنەوەی کونسوڵخانەو ناردنی بانگەوازی کارانی(مبشرین)ئایینی مەسیحی وە کردنەوەی قوتابخانە.
کوردستنایش یەکێک بوو لەو ناوچانەی،ببوە جێگەی بایەخ پێدانی ئەمریکا،بۆیە هەوڵیدا شوێن پێی خۆی بکاتەوە لە کوردستان،بە کردنەوەی کونسوڵگه‌ر له‌ ناوچه‌ی(ئه‌رزڕۆم)له‌ باکوری کوردستان و،کردنه‌وه‌ی کونسوڵگه‌رییه‌یه‌کی تر له‌ ناوچه‌ی(خه‌ربوت)له‌ کوردستانی ڕۆژهه‌ڵات.هه‌روه‌ها کوردستان ببوه‌ ناوه‌ندێکی سه‌ره‌کی بۆ چالاکی بانگه‌وازی کارانی ئاینی مه‌سیحی،وه‌ کردنه‌وه‌ی چه‌ند ناوه‌ندێکی ئه‌م جۆره‌ له‌ ناوچه‌کانی (خه‌ربوت)هو(وان)و(به‌دلیس)و(ماردین)و(ورمێ).

بەستنى پەیوەندى لەنێوان بانگەوازکاران لەگەڵ سەرکردەکانى کوردلەو سەردەمە، بۆنموونە شێخ عوبەیدوڵاى نەهرى ، یەکێک بوو لەو سەرکردانەى هەوڵى ئەوەى دا ، کەپەیوەندى دۆستانە لەگەڵ بانگەوازکارانى ئەمەریکى ببەستێ ئەم هەڵوێستەى شێخ عوبەیدوڵلاى نەهرى ، واى کرد ئێران وا هەست بکات ، کەبانگەوازیکاران دەستیان هەیە لەگەڵ هەڵگیرسانى شۆرشى کورد لەساڵانى 1880ـ 1881بەڵامدواتر ، چەند روداوێک هاتە پێشەوە ، کەوا کاریگەرى دروست کرد لەسەر بۆچونى بانگەوازیکاران {مبشرین } بەرامبەر بەگەلى کورد ، وەک جینۆسایدى ئەرمەنەکان لەلایەن دەوڵەتى عوسمانى لەساڵانى 1894ـ 1895کەتیایدا کورد کورد بەنارەوا تۆمەتبار کرا ، بەوەى بەشدارى کردوە  لەم پرۆسەیە ، ئەمەش واى کرد  ، کاریگەرى نێگەتیڤ دروست بکات بەرامبەر کورد لەلایەن حکومەتى ئەمەریکاوە دواتر ئەمەش لەگۆرینەوەى نامەو بروسکەکانى نێوان وەزارەتى دەرەوەو کونسوڵگەرى ئەمەریکا لەتارانى پایتەختى ئێران ، روون بۆتەوە . وەکوژرانى یەکێًک لە بانگەوازیکان لەساڵى 1904لەناوچەى {خوى} جارێکى تر واى لەحکومەتى ئەمریکا کرد ، کەپەنجەى تاوان بۆ کورد  درێژبکات ، ئەمەش دیسانەوەى کاریگەرى هەبوو لەسەر کورد . وە لەماوەى ساڵانى جەنگى جیهانى  یەکەمدا 1914 ـ 1917، ئەمریکا بەردەوام بوو  لەتاوانبار کردنى  کورد سەبارەت بەجینۆسایدى ئەرمەن لە 1915 بەڵام لەگەڵ ئەوەشدا رێگەى نەگرتن لەئەمریکییەکان لەپێشکەشکردنى  بۆچونیان  سەبارەت  بەبەشدارى پێکردنى کورد لەشەر دژ بەدەوڵەتى عوسمانى لەتشرینى  یەکەمى 1917 کونسوڵى تەفلیس  راى خۆى دەربرى بۆسەفیرى ئەمریکا لەروسیا بەوەى لەگەڵ هۆزە کوردیەکان  رێکەوتن بکرێت بەمەبەستى هەڵگیرسانى  شۆرش دژى دەوڵەتى عوسمانى ، ئەمەش لەرێگەى پێدنى  بەڵێنى  سەربەخۆى ، وە کونسوڵ یارمەتى کوردى بەپێویست زانى بۆبەشداریکردن لەبەرەى روسیا  دژ بەدەوڵەتى عوسمانى . لەدواى کۆتایی شەرى جیهانى ، رۆڵى ئەمریکا لەناوچەکەو، هەروەها لەکوردستان زیاتر بوو، بۆیە نیشتیمان پەروەرانى کورد ، هیوایەکیان لەلادروست ببو ، سەبارەت بەو بەندانەى کە سەرۆکى ئەمریکا  رایگەیاند لە 1918 بەتایبەتى ئەو بەندەى کەباس لەمافى سەربەخۆیى گەلان دەکات ، بۆئەم مەبەستە کورد لەچەندین لاوە نووسراویان نارد بۆ کۆنگرەى ئاشتى لەپاریس لە 1919 وە شێخ مەحمودیش نوێنەرى خۆى نارد بۆدیدەنى سەفیرى ئەمریکا  لەتاران بۆگەیاندنى بۆچوونى کورد بەکێشە رەواکەى بە سەرۆک ویڵسنم ، بەڵام سەفیرى ئەمریکى رەتیکردەوە  چاوپێکەوتن  لەگەڵ نوێنەرى شێخ محمودا بکات . هەروەها ئەمریکا  لەکۆنگرەکە رایى خۆى دەر برى ، سەبارەت بەپرسى کورد بەم شێوەیە ئەگەر هاتوو پرۆسەى ئینتیداب هەرەسى هێنا ئەوا پێویستە سیستەمى ئەو یاسایە بەسەر کوردو ئەرمەندا بسەپێندرێت ، سەربارى سیاسەتى پەرگیرى کەئەمریکا بۆ خۆى  هەڵبژاردبوو لەساڵانى بیستەکان و سییەکان بەڵام ئەم سیاسەتەى دوورى نەخستەوە لەدەستێوەردانى لەکێشەکانى رۆژهەڵاتى ناوەراست ، وەکو کێشەى داواکردنى ویلایەتى موسڵ لەلایەن تورکیاوە ، کەلایەنى نێودەوڵەتى دەست تێوەردانى کرد ، لەمیانەى ئەو کێشەیە ئەمریکا پێ داگیرى کرد لەسەر ئەوەى کەدەبێت کۆمپانیائەمریکیەکان پشکیان هەبێت لەنەوتى ئەم ویلایەتە ، هەوڵًەکانى ئەمریکا لەم بارەیەوە هاتە بەرهەم و کۆمپانیاکانى رێژەى 75،23%ى بەدەست هێنا لەنەوتى کرکوک تاساڵى 1929.دواى کۆتایى هاتنى جەنگى جیهانى دووەم بایەخى ناوچەکەو کوردستان بەتایبەتى رووى لەزیاد بوون بووە ئەویش پەیوەست بوو بەبەرژەوەندیە نەوتییەکانى ئەمریکا ، لەم ماوەیەدا سیاسەتى ئەمریکا بریتى بوو لەهێشتنەوەى بارودۆخەکە وەکو خۆى لەهەمان ماوەدا لەساڵانى 1943ـ 1945کۆمیسیۆنى ئەمریکى گرینگیدا بەهەڵگیرسانى شۆرش لەناوچەى بارزان بەسەرکردایەتى ەلامستەفای بارزانى .
ئەوەى جێگەى ئاماژە پێکردنە هیچ کاتێک ئەمریکا کێشەى کوردى لەلا گرنگ نەبووە، تەنها کاتێک نەبێ کە نەوەکو لەلایەن یەکێتى سۆڤیەتەوە {1917ـ1979} بقۆزرێتەوە ببێتە هۆى زیادکردنى پێگەیان لەناوچەکە ، ئەمەش لەکاتێکدا بیرو بۆچونى چەپ لەنێو رۆشنبیرانى کورد لەگەشەسەندنا دابوو .
لەسەردەمى کۆمارى مەهابادا ، سەرکردایەتى کورد هەوڵەکانى خۆى خستە گەر بۆوەدەست هێنانى پشتیوانى پشتگیرى ویلایەتە یەکگرتوەکانى ئەمریکا ، ئەو چاوپێکەوتنەى نێوان محمد و سەفیرى ئەمریکى لەنیسانى 1946بەڵام لەبروسکەیەک لەلایەن حکومەتى ئەمریکا بۆسەفیرەکەیان رازى نەبوون هاوکارى کورد بکەن ، بەهەمان شێوەش {بارزانى نەمر} لەهەوڵەکانى بەردەوام بوو بۆ هەمان مەبەست ، بەڵام بێسود بوو . نەک  هەرهەوڵەکانى بۆپشتیوانى کردن هیچ کاریگەریەکى نەبوو لەسەر هەڵوێستى ئەمریکا ، بگرە ئەمریکا هاوکارى ئێرانى کرد لەروخانى کۆمارى مەهاباد .
لەسەرەتاى ساڵانى پەنجاکان گۆرانێکى  رێژەى بەسەر سیاسەتى ئەمریکادا هات بەرامبەر بەکورد ، بەڵام نەبووە هاندەرێک بۆ ئاواتە نەتەوەیەکانى کورد کە سەربەخۆیى بووە مەبەستیان راکێشانى سەرنجى کورد بوو بۆلاى خۆیان ، وەشێواندنى وێنەى یەکێتى سۆڤیەت بوو ، ئەمەش لەرێگەى پەنا بردن بۆ هۆکارەکانى راگەیاندن و پروپاگەندە . وەهەروەها لەم بوارەدا چەند چالاکییەکیان ئەنجامدا لەناوچەکانى کوردستان وەک دەرکردنى رۆژنامە بەزمانى کوردى تیایدا پروپاگەندەکردن بوو بۆ بەرژەوەندى ئەمریکا وەکردنەوەى رادیۆ بەزمانى کوردى وەبڵاوکردنەوەى تیپە شانۆ گەرۆکەکان لەناوچەکان و نمایش کردنى شانۆ بۆخەڵکانى ئاسایى . لەماوەى ساڵانى شەستەکان جیهان گۆرانکارى زۆرى بەخۆیەوە بینى وەرۆژهەڵاتى ناوەراست و عێراق و کوردستان بەتایبەتى کەتیایدا شۆرشى کورد هەڵگیرسا ، لەئەنجامى تێکچونى پەیوەندى نێوان سەرکردایەتى کوردو حکومەتى عەبدولکەریم قاسم هەرچەندە قاسم ئاراستەى سۆڤیەتى هەبوو بەڵام حکومەتى ئەمریکا خۆشحاڵ نەبوو بەهەڵگیرسانى شۆرشى کورد وە بەهەرەشەیشى زانى بۆسەر ئاشتى و ئارامى رۆژهەڵاتى ناوەراست . سیاسەتى دەرەوەى ئەمریکابەردەوام جەختى لەسەر ئەوە دەکرد کە هەڵوێستى بەرامبەر کورد نەگۆرێت وەکێشەى کوردى وەکو کێشەیەکى ناوەخۆیى سەیر دەکرد. لەساڵى کاتێک بەعسیەکان هاتنەسەر دەسەڵات ئەمریکا خۆشحاڵى خۆى پیشاندا بەم هەنگاوەو ، وەدانى نا بەدەسەڵاتیان ، ئەمجارەیان نەک خۆى دوور نەگرت لەکێشەى کوردبەڵکو هەڵسا بەپێدانى چەک بەحکومەتى عێراق بۆبەکارهێنانى دژى شۆرشى کورد بەو بیانوەى کەعێراق لەپشت بەستنى بەیارمەتى سۆڤیەت کەم کردۆتەوە ، بێگومان ئەم هەڵسوکەوتەى ئەمریکا دەچێتە چوارچێوەى سیاسەتەکانى بەرامبەر بەکورد . لەگەڵ ئەوەشدا سەرکردایەتى کورد بەردەوام بوو لەهەوڵەکانى بۆ ناساندنى کێشەى کورد و بەدەست هێنانى پشتگیرى بۆشۆرش . ئەمریکا بەردەوام بوو لەسەر سیاسەتى پێشووى بەرامبەر بەکورد هەرچەندە پەیوەندى نێوان ئەمریکا و حکومەتى ئەوکاتەى عێراق قچرانى بەخۆوە بینى بوو بەهۆى شەرى نێوان عەرەب و ئیسرائیل لەساڵى 1967وە پشتگیرى ئەمریکا بۆئیسرائیل . لەساڵانى شۆرشى ئەیلولدا ، سەرکردایەتى کورد ، توانى پشتیوانى ئێران بقەدەست بێنێت لەوکاتەدا ناکۆکى هەبوو لەنێوان ئێران و عێراق وە ئێران تاکە دەروازە بوو بۆ شۆرش تا لەرێگەیەوە دەنگى خۆى بگەیەنێتەدەرەوە . ئەمریکا نیگەرانى خۆى نەشاردەوە بەرامبەر بەو هەنگاوەى ئێران بەپشتیوانى کردن لەشۆرشى کورد . بۆئەم مەبەستە ئەمریکا بەردەوام بوو لەهەوڵەکانى بۆرازیکردنى ئێران تاکو دەست هەڵبگرێت لەیارمەتیدانى کورد . ئەمەش لەچاوپێکەوتنەکانیان باسى لێوەکراوە ، بۆیە لەبەرژەوەندى  کوردا نەبوو عێراق و ئێران  رێک بکەون چونکە رێکەوتنى هەردوولا ماناى هەرەس هێنانى شۆرش بوو بۆکورد ،ـ دواتر ئەم بارودۆخە نەویستراوە لەرێکەوتنامەى جەزائیرى 1975بەدى کرا. سەرکردایسەتى کورد بەردەوام بوو لەهەوڵەکانى بۆبەربەدەست هێًنانى پشتگیرى ئەمریکا لەم بارەیەوە سەرکردەى شۆرش بارزانى نەمر لەساڵى 1964 جارێى نوێنەرى ناردەوە بۆ چاوپێکەوتنى بەرپرسانى ئەمریکا بەڵام نەک ئامادەنەبوونە گویان بۆبگرن  تەنانەت ناخۆشحاڵى خۆشیان دەربریوە بۆئەم جۆرەسەردانانە. ئەمریکا هەندێ جار یارمەتى مرۆیى ناردووە بۆکورد  بەڵام هیچ کاتێک ئامادەنەبووە بەشێوەیەکى راستەوخۆ یارمەتى کورد بدات . هەرلەچوارچێوەى هەوڵەکانى سەرکردایەتى کورد ، ویستویەتى کەناڵێکى تر بدۆزێتەوە بۆکاریگەرى خستنە سەر ویلایەتە یەکگرتوەکانى ئەمریکا ، ئەمجارەیان ئاراستەى بەرەو ئیسرائیل گرتە بەر بەڵام ئەنجامى نەبوو . لەکۆتایى شەستەکان دانووستان دەستى پێکرد سەرکردایەتى شۆرش و حکومەتى عێراق سەرەنجام رێکەوتنامەى 11ى ئازارى ساڵى 1970لى هاتە ئاراوە و کورد چەند دەستکەوتێکى بەدەست هێنا ، ئەمریکا نارازى بوو    گومانى هەبوو لەرێکەوتنامەکە و پێى وابوو ئەستەمە جێبەجێ بکرێت، وەدژى داواکارى کورد بوو سەبارەت سیستەمى خۆبەرێوە بردن ، دواى ساڵێک و هەرەس هێنانى رێکەوتنامەکە لە1974گۆرانێک لەسیاسەتى ئەمریکا رویدا لەرێگەى ئێرانەوە توانرا یارمەتى لەلایەن ئەمریکاوە بگات بەشۆرش کەلەسەر داواى شاى ئێران بوو . لەیاڵى 1972نوزێنەرانى کورد چوون بۆئەمریکا تاکو داواکاریەکانیان سەبارەت بەیارمەتى دانى شۆرش گفتوگۆى لەبارەوە بکرێت ، بەرپرسانى ئەمریکا رازى بوون لەسەر داواکانى کورد بەیارمەتى دانى کورد بەڵام لەرێگەى ئێرانەوە . هەرچەندە ئەمریکا بریاریدا پەیوەندى لەگەڵ درست بکات بەشێوەیەکى نهێنى بەڵام نەبووە هۆى دڵیابوونى کورد بەهۆى بڵاوبوونەوەى هەڵەنێودەوڵەتیەکانى بۆرێکەوتنى نێوان عێراق و ئێران ئەمەش بۆکورد ماناى لەناوبردنى خەونەکانى و هیوا براوبوونى . ئەوەبوو لەنێوان شاى ئێران و رێکەوتنامەى شوومە 1975لەجەزائیر مۆرکرا سەرەنجام بووە هۆى لەناوبردنى شۆرشى کورد . ئەمریکا خۆشحاڵى خۆى دەربرى لەبارەى مۆرکردنى رێکەوتنامەکە . هەرچەندە کۆنگرێسى ئەمریکا نارەزایى خۆى دەربرى بەرامبەر سیاسەتى شاى ئێران و ئیدارەى ئەمریکا بەرامبەر کێشەى کورد بەڵام ئەم نارەزاییە هیچ کارگەریەکى نەبوو . لەمیانى خوێندنەوەیەک بۆئەم مێژووە بۆمان روون دەبێتەوە کەستراتیژیەتى دارێژراوى ئەمریکا پێویست بوو یارمەتى کورد بدات لەرووى ماددیو مەعنەوییەوە ئەویش یارمەتییەکى سنوردار لەماوەیەکى دیاریکراو بوو ، ئەندزیارى ئەم ستراتیژیەتەش هێنرى کیسنجەرى وەزیرى دەرەوەى ئەمریکاى ئەوکات بوو ، کەمەبەست لێى بەکارهێنانى کورد بوو بۆ ماندووکردنى هێزەکانى عێراقى و سەرقاڵکردنى . تاکو نەتوانێت مەترسى دروست بکات بۆسەر ئیسرائیل و بەرژەوەندیەکانى ئەمریکا لەناوچەکە ساڵانى دواى شۆرشى ئەیلول : ئەم ئەزموونە تاڵەى کورد لەگەڵ ئەمریکا کاردانەوەى جۆراوجۆرى لەسەر واقعى کوردى بەجێهێشت هەروەها دوودڵیەکى گەورەى دروست کرد سەبارەت بە راستگۆى ئەمریکا لەناو رۆشنبیران و سیاسیانى کورد . ئەوەى جێگەى ئاماژە پێکردنە هەڵوێستى ئەمریکا تاکو ساڵى 1990 بەرامبەر بەکورد هەڵوێستێکى نێگەتیف بووە. وەزۆر جاریش یارمەتى دەرى رژێمى عێراق بووە ، وەبۆ پشت راستکردنەوەى ئەم وتەیە ، لەساڵى 1989 کۆنفراسێک بەسترا بۆقەدەغەکردنى چەکى کیمیاوى ئەمریکا رازى نەبوو ناوى عێراق بهێنرێت ، هەروەها لەراپۆرتێکى حکومەتى ئەمریکا دا هاتووە سەبارەت بەپرۆسەى ئەنفالکردنى کورد ، ئەم پرۆسەیە بەمافى رەواى رژێمى عێراق دەزانرێت بۆسەرکوت کردنى کورد .  لەگەڵ نەبوونى پشتیوانیەکى ئەوتۆ ، بەڵام کورد بەردەوام بوو لەخەبات کردن بۆوەدەست هێنانى مافەرەواکانى قۆناغى نیوەى دووەمى حەفتاکان و سەرەتایى هەشتاکان قۆناغى بێ متمانەیى کورد بوو بەرامبەر بەئەمریکا  وەفەرامۆش کردنى وەک هێزێک کەچاوەروانى پشتیوانى لێ نەدەکرا بۆشۆرش ، چونکە لەبەغدا رژێمێکى دژى ئەمریکا لەسەر کارنەبوو تاکو بیەوێت کورد بەکاربهێنێت  وە ئەمریکا لەدەرەوەى هێزە دۆستەکانى کوردو شۆرشەکەى بوو ، ماوەى ساڵانى دواى 1990: لەسەرەتا ساڵانى 1990بەدواوە  قۆناغێکى  تر دەستى پێکرد بۆ کورد لەزۆر روەوە بەخاڵێکى وەرچەرخان دادەنرێت لەوانەش بۆپەیوەندیەکانى کورد و ئەمریکا وەگرنگیدان بەپرسى کورد بێ گومان ئەو گۆرانانەى لەسەر ئاستى جیهان رووى دا بەتایبەتى روخانى جەمسەرى رۆژهەڵات و سەرکەوتنى جەمسەرى رۆژ ئاوا بەسەرکردایەتى ئەمریکا . وەگۆرانى پەیوەندیەکانى نێوان عێراق و ئەمریکا  بەجۆرێک کەعێراق بوو بە دوژمنى گەورەى ئەمریکا لەئەنجامى داگیرکردنى کوویت لەلایەن رژێمى عێراقەوە سەرەنجام بەکارهێنانى هێز دژى عێراق و دەرکردنى لەکویت . پەیوەندیەکانى نێوان ئەمریکاو کورد پەرەدەسەنێت و دەچێتە بوارى پێشوازى کردن لەسەر ئاستى بەرز لەسەرکردەکانى کورد ، بەهۆى ئەو بارو دۆخە لەعێرا روویدا بووە هۆى سەرهەڵدانى راپەرین لەسەرەتاى ئادارى 1991 لەباکوور و لەباشوور زۆرى نەمابوو کۆتایى بەرژێمى عێراق بێت . بەڵام دیسانەوە ئەمریکا سیاسەتى پێچەوانەى پەیرەو کرد ، نەک یارمەتى راپەرینەکانى نەدا بەڵکو گڵۆپى سەوزى بۆرژێم هەڵکرد بۆدامرکاندنەوەى راپەرینەکان ،ئەم هەڵوێستەى سەرلەنوێ گومان و دوودڵى بۆسەرکردایەتى کورد و جەماوەریش دروست کرد ، سەرەنجام راپەریوانى کوردستان تووشى ئاوارەبوون و کۆرەوى ملیۆنى بوونەوە ، کەبەگەورەترین کۆرەو دادەنرێت لە مێژووى مرۆڤایەتى ، بەڵام ئەمجارەیان گومانى کورد لەئەمریکا دریِژەى نەکێشا ، وەکو شۆرشى ئەیلول لەیەکترى دانەبرێین ، دواتر کۆچ و راپەرین بەقازانجى کورد تەواو بوو ، ناوچەى پارێزراو {ئارام} بەبریارى 688ى  نێو دەوڵەتى بۆکورد ، دواتر قەوارەى بەدەست هێنا ، هەرچەندە بریالرێکى مرۆیانەبوو ، بەڵام تاکەبریاریشە بۆکورد لەنەتەوە یەکگرتوەکانەوەسەبارەت بەکورد دەربچێت . قۆناغێکى تر لەپەیوەندیەکانى نێوان کورد و ئەمریکا ئەویش ماوەى تاڵى شەرى ناوەخۆیە  لەنێوان هەردوو هێزى باڵادەستى کوردستان . ئەگەرچى نارۆشنییەک هەیە لەبارەى رۆڵى ئەمریکا لەماوەى ئەو بارودۆخەکەرویدا ، بەڵام ئەوەى جێگەى سەرنجە بوونى رۆڵى ئەمریکایە لەپێکهێنانەوەى ئەم دوو هێزەو  مۆرکردنى رێکەوتنى ئاشتى لەنێوان سەرکردایەتى هەردوولادا، دواى ئەو گرانەى لەجیهان روویدا بەهۆى رووداوەکانى 11ى ئەیلولى ئەمریکا کەجیهان تووشى شۆک و مەترسى هەرەشەى تیرۆر بووەوە ، وایکرد ئەمریکا پرۆسەیەک دەست پێبکات بەناوى شەرى دژ بەتیرۆر، عێراقیش وەک وڵاتێکى پشتیوانى بۆتیرۆرستان  مەترسى هەبوو بۆسەر ئاشتى و ئارامى نێودەوڵەتى ، بۆیە ئەمریکا بریارى لەناوبردنى ئەو رژێمەیدا ، بۆئەم مەبەستەش ئۆپۆزسیۆنى عێراق، دەستیان کرد بەخۆئامادەکردن ، بۆقۆناغى دواى رووخانى رژێم ، کوردیش وەک بەشێکى سەرەکى لەئۆپۆزسیۆن بەشێوەیەکى کارا بەشدارى کردو ، لەکۆنگرەکانى لەندەن و سىڵاحەدین ، دواتر لەپرۆسەى ئازادکردنى عێراق ، شان بەشانى ئەمریکاو هاوپەیمانانەوە بەشدارى کرد ، ئێستاش کورد لەدەسەلاًَتى ناوەندى  بەشدارە لەچواچێوەى عێراقى فیدراڵ.

سه‌رچاوه‌:عه‌زیز بارزانی/تێزی دکتۆرا

تێبینی:ئه‌م وێنه‌یه‌ له‌ یه‌کێک له‌ زانکۆکانی ئه‌مریکا هه‌ڵ واسراوه‌