یاســین دێره‌شــــــــى

لسه‌ر ئاستێ عیراقێ و کوردستانێ به‌ره‌ف پروسیسه‌کا زورا گرنگ دچین ئه‌وژى هه‌لبژارتنا نینه‌رێن چڤاتا عیراقا فیدراله‌.ره‌نگه‌ خه‌لکێ کوردستانێ وه‌سا هزربکه‌ن دڤان دهه‌لبژارتنا ڤه‌ وه‌ستاین به‌لێ دڤێت چ جارا خه‌باتێ و به‌رخودانێ و شوره‌شێن ئێک لدیف ئێک یێن کوردستانێ هه‌ر ل شوره‌شێن بارزان وشوره‌شا ئه‌یلولێ و گولانێ وکاره‌ساتێن ئه‌نفالاوکێمیا بارانا هه‌له‌بجه‌ و وان قوربانێن ملله‌تێ کورد داین ب شێوه‌یه‌کێ گشتى ئه‌و جینوسایدا دژى کوردا هاتیه‌ کرن چ جارا هزرا ماندیبونێ نه‌که‌ن .

 بلا هزر بکه‌ن هێشتا زور قوناغێن سه‌خت و دوژوار لپێشیا کوردستانێ هه‌نه‌ لسه‌رئاستێ عیراقێ و ده‌ولى وهه‌رێمایه‌تى دا ئه‌ڤ و پرسه‌ ته‌نها ب دیموکراسى بونا عیاراقا فیدرال ب شێوه‌یه‌کى گشتى و باوه‌رى ب هه‌بونا ئاره‌زوماندانه‌ دناف به‌را کورد و عه‌ره‌بان دا.. یاراستى بیت هه‌لبژارتنێن بهێت دێ زور چاره‌ نڤیسبن بو کوردستانێ. ره‌نگه‌ نه‌خشێ سیاسى یێ عیراقا پاشه‌روژێ بهێته‌ گوهورین . ژبه‌ر هندێ دڤێت کورد هوکاره‌کێ بهێز بن بو دیارى کرنا نه‌خشێ سیاسى یێ عیراقا پاشه‌روژێ ئه‌وژى دڤێت پشکداریا وان دڤان هه‌لبژارتنا ب شێوه‌یه‌کێ به‌رفره‌ه بیت کو بشێن هه‌ژماره‌کا زورا کورسیا وه‌ربگرین و داکو بشێن ئه‌ڤا ده‌ست کوردا که‌فتى ددستورێ دا بهێته‌ پارستن و لسه‌وان ده‌ست که‌فتیا بهێنه‌ زێده‌بکه‌ین جونکه‌ ترسه‌ک هه‌یه‌ ئه‌ڤا ئه‌ڤرو کوردا ل عیراقێ دا هه‌یه‌ بهێته‌ ده‌ستدان . جونکه‌ وه‌کى کورده‌ک ژ پشکداریا پارت ولایه‌نێن کوردستانێ دڤان هه‌لبژارتنادا زوور ب گومانم تایبه‌ت پارێزگه‌ها که‌رکوکێ و ب هه‌مى باوه‌ریا خوڤه‌ دێ بێژم بڤى ره‌نگى کورد دێ باجه‌کا زورا مه‌زن ده‌ن و پشتى هه‌لبژارتنا دێ زور هه‌ست پێ که‌ین ئه‌ڤه‌ ژى دزڤریت بوهه‌ڤرکى و ململانا پارت ولایه‌نێن کوردستانى و نه‌ئێک لیستیا وان .یابه‌رژه‌وه‌ندا نه‌ته‌وا کوردو ئایندێ ڤێ پارێزگه‌هێ دڤێت ئێک لیست هه‌با. به‌لێ چوابیت هه‌لبژارتن نێزێک بون و به‌رهه‌ڤى بو دهێته‌ کرن ب ره‌ئیا من ئه‌ڤ هه‌لبژارتنه‌ بوکوردا زوردگرنگن لبه‌ر ڤان ڤاکته‌را.

1-پشکداریا خه‌لکێ کوردستانێ دڤان هه‌لبژارتنا دێ ده‌ست که‌فتێن کوردا هێنه‌ پارستن و به‌ره‌ڤ پێشڤه‌ چن.
2- ئه‌گه‌ر کورد دڤان هه‌لبژارتنا دا بهێز ده‌رچون کێشێن دناڤ به‌را هه‌ولێرێ و به‌غدا ب سناهى هێنه‌ چاره‌سه‌رکرن.
3- ئه‌مریکا وده‌وله‌تێن ئه‌وروپى زور بهیرى دنێرنه‌ ڤان هه‌لبژارتنا و ئه‌ نجامێن وان ڤێ جارێ دێ نه‌خشێ سیاسى یێ عیراقێ ب دروستاهى دیاربیت ئه‌وێن ڤان هه‌لبژارتنا بهێز ده‌ربجن دێ ئه‌مریکا پشته‌ڤانیێ لێ که‌تن ژبه‌رهندێ بومه‌ کوردا زوردگرنگن . جونکه‌ کوردا پێتر ژعه‌ره‌بان پێتڤى ب ئه‌مریکاو ئه‌وروپا هه‌یه‌.
4- ده‌وله‌تێن هه‌رێمى ژى به‌رژه‌وه‌ندێن خو هه‌نه‌ دعیراقێ دا ئه‌و ژى دێ پشته‌ڤانیا لایه‌نێ دى که‌ن وه‌ک( عه‌ره‌باو تورکومانا ) ژبه‌ر ڤێ یه‌کێ سه‌ر کوردا زور فه‌ره‌ دڤان هه‌لبژارتنادا بجدى کاربکه‌ن ئه‌نجامێن باش بده‌ست ڤه‌ بینن .

بره‌ئیامن دو ئه‌رکێن گرنگ هه‌نه‌ بو کوردا دڤان هه‌لبژارتنا دا
1- پشکداریا وان دڤان هه‌لبژارتنادا دڤێت زورا رژدبیت وب روحه‌کا نه‌ته‌وایه‌تى بجنه‌ بنگه‌هێن ده‌نگ دانێ پشکداریا وان زامنێ سه‌رکه‌فتنێ یه‌و وه‌رگرتنا رێژه‌کا باش یا کورسیا تایبه‌ت لپارێزگه‌هێن (که‌رکوکێ ومووسل و دیالا و به‌غدا و تکریت) دێ کورد شێن ده‌سهه‌لاتا خو ل به‌غدا بهێزکه‌ن و ئه‌ڤه‌ یا گرنگه‌ بوڤێ قوناغێ .
2- ده‌نگدان و ده‌ست نیشانکرنا نینه‌رێن خو. جونکه‌ ل کوردستانێ زور لیست و قه‌بارێن سیاسى و بێ لایه‌ن هه‌نه‌ . دڤێت ب ساده‌ى ده‌نگێ خونه‌ده‌ن بزانن دێ ده‌نگى بو کیش لیستێ وکه‌سى ده‌ن . جونکه‌ کوردا بو به‌غدا پێتڤى که‌سانێن ویره‌ک و نیشتیمان په‌روه‌رو دلسوزو خودان پسپوربیت . ب هه‌مى بیرو باوه‌ر ڤه‌ خزمه‌تا کێشا ره‌وایا کوردستانێ بکن.
دڤان هه‌لبژارتنادا بلا ده‌نگده‌ر ویژدانا خو ته‌نا بکه‌ت. ڤێ چارێ لیستا ڤه‌کرى یه‌ وده‌نگدان بو که‌سانه‌ نه‌بو لیسته‌کا تایبه‌ته‌. باشتر ده‌لیڤه‌ هه‌یه‌ که‌سێن وان بڤێن هه‌لبژێرن . ئه‌ڤجا به‌ره‌ڤ هه‌لبژارتنا وده‌نگدان بو به‌ربژارێن هه‌ڤپه‌یمانیا کوردستانێ ولیستا شوره‌شێ وئاڤه‌دانیێ و لیستا پاراستنا ده‌ست که‌فتێن کوردستانێ .