ئەردا تۆران بەیەكجاری واز لە یاریكردن دێنێ

Decrease font Enlarge font قەبارەی فۆنت
image

ئەردا تۆرانی ئەستێرەی توركی و یانەی بەرشەلۆنەی ئیسپانی پەیوەندییەكانی لەگەڵ بەرپرسانی هەڵبژاردەی وڵاتەكەی تێك دەچێت و بەو هۆیەوە بڕیاری دەدات بەیەكجاری واز لە خزمەتكردنی ئەو هەڵبژاردەیە بێنێ.

سەرچاوە رۆژنامەوانییەكانی ئیسپانیا بڵاویان كردەوە: دوێنێ سێشەم ئەردا لەگەڵ رۆژنامەنووسێكی وڵاتەكەی دەبێتە شەڕیان دوای ئەوەی پێرێ دووشەم لەگەڵ هەڵبژاردەی توركیا لە یارییەكی هەڤاڵینی بەرامبەر هەڵبژاردەی ماكدۆنیا بەشداری كردبوو.

ئەم شەڕە وای لە بەرپرسانی هەڵبژاردەی توركیا كرد بڕیار بدەن ئەردا لە كەمپە مەشق و راهێنانەكانی هەڵبژاردەكە دەربكەن، لە كۆتایشدا یاریزانەكە بڕیاریدا بەیەكجاری واز لە یاریكردنی ناودەوڵەتی لەگەڵ هەڵبژاردەی وڵاتەكەی بێنێ.

ئەردا بۆ دەزگاكانی راگەیاندن گوتی: ئێستا باشترین كاتە بۆ ئەوەی واز لە یاریكردنی ناودەوڵەتی لەگەڵ هەڵبژاردەی وڵاتەكەم بێنم.

زیاتر گوتی: هەردەم وڵاتەكەم و ئاڵاكەیم خۆش دەوێت، بەڵام ئێستا كاتی ئەوە هاتووە واز لە یاریكردن بۆ هەڵبژاردەی توركیا بێنم.

جێی باسە ئەردا وەرزی رابردوو لەگەڵ یانەی بەرشەلۆنە خراپترین ئاستی پێشكەش كرد و ئەمە وای كرد بەرپرسانی یانەكە بیر لە فرۆشتنی بكەنەوە، لە ئێستاشدا یانەی ئارسناڵی ئینگلیزی بۆ گرێبەستكردن لەگەڵی لەسەرخەتە.

  • پۆستکردنی بۆ هاورێیکەت پۆستکردنی بۆ هاورێیکەت
  • چابکردن چابکردن