ئەنجامى‌ تاقیکردنەوەی‌ 12ی‌ ئامادەیی لێرە www.azmwn.com بزانە

Decrease font Enlarge font قەبارەی فۆنت
image

وەزارەتى پەروەردەى هەرێم لە راگەیەنراوێکدا کە وێنەیەکى دەست ئاژانسى هەواڵى پەیامنێر کەوتەوە ئاشکرای دەکات کە لەڕێگەی‌ وێب سایتێکی‌ نوێوە ئەنجامی‌ تاقیکردنەوەکانی‌ پۆلی‌ 12ی‌ ئامادەیی بەسەرجەم بەشەکانیەوە بڵاو دەکرێتەوە.


لەو راگەیەنراوە کە لەسەر زارى، هاجەر داوود بەڕێوەبەری‌ راگەیاندنی وەزارەتی پەروەردە رایگەیەنراوە هاتووە: لە رۆژانی داهاتوودا ئەنجامی ئەزموونە گشتییەکانی قۆناغی ئامادەیی لە سەرجەم بەشەکانی "زانستی، وێژەیی، پیشەیی، مامانی، نەخۆشیاری، خوێندنی ئیسلامی‌، بەیتاڵی" رادەگەیەندرێت کە ئەمساڵ لە رێگەی‌ وێبسایتی www.azmwn.com کە وێب ساێتێکی تازەی‌ وەزارەتە و تایبەتە بە ڕاگەیاندنی ئەنجامی تاقیکردنەوەکانی قۆناغی ئامادەیی، ئەنجامەکان بڵاودەکرێنەوە.

ئەو راگەیەنراوە ئاماژە بۆ ئەوەش دەکات کە قوتابی و خوێندکارانی‌ سەرجەم ناوچەکانی کوردستان دەتوانن راستەوخۆ لە رێگەی‌ ئەم وێب سایتەوە ئەنجامی تاقیکردنەوەکانیان بزانن و بۆ ئەو مەبەستەش ئێستا ئەم وێبسایتە کەوتۆتەکار و چاوەڕێی داخڵکردنی داتا و ئەنجامی ئەزموونەکان دەکرێت بۆ ئەوەى لەکاتى راگەیاندنى ئەنجامەکان قوتابیان بتوانن سەردانى بکەن و ئەنجامەکانى خۆیانى لێ ببینن.

  • پۆستکردنی بۆ هاورێیکەت پۆستکردنی بۆ هاورێیکەت
  • چابکردن چابکردن