لەرێگاى گواستنەوەى بۆ نەخۆشخانە (حکمت العزاوى ) گیانى لەدەست دا

وەزارەتى دادى عیراقى رۆژى هەینى رایگەیاند ، ( حکمت العزاوى )  جێگرى سەرۆک وەزیرانى رژێمى پێشووى عیراق لەرێگاى  گواستنەوەى لە بەندیخانەکەیەوە بۆ نەخۆشخانە گیانى لەدەست داوە . لەو باریەشەوە (حیدر السعدى ) قسەکەرى وەزارەتى دادى عیراقى  بە سومریە نیوزى راگەیاندووە ، کە العزاوى بەیانى رۆژى هەینى بۆ وەرگرتنى چارەسەرى گواستراوەتەوە بۆ نەخۆشخانەو لەرێگاش گیانى لەدەست داوە و هۆکارەکەشى بەساڵاچوون بووە ، (حکمت العزاوى ) تەمەنى 79 ساڵە و لەساڵى 1933لە دایک بووە و چەندین پۆستى گرنگى لە رژێمى پێشووى عیراق وەرگرتووە و دواین پۆستیشى وەزیرى داراى و جێگرى سەرۆک وەزیران بووە و لە نێو لیستى داواکراوانیش لە لایەن وڵاتە یەکگرتووەکانى ئەمەریکا ریزبەندى 45 ى پێ درابوو .