به‌غدا؛ کوژرانی نزیکه‌ی سی که‌س له رێوڕه‌سمێکی به‌خاک سپاردن

به‌هۆی ته‌قینه‌وه‌ی بۆمبێک له به‌غدا له رێوڕه‌سمی به‌خاک سپاردنی سێ قوربانیی ته‌قینه‌وه‌یه‌کی دوێنێ، 28که‌س کوژران و لانی‌که‌م 50که‌سیش بریندار بوون. 

یه‌کێک له پزیشکانی نه‌خۆشخانه‌یه‌کی نزیک له رووداوه‌که گوتوویه‌تی: نزیکه‌ی 150که‌س له‌م رێوڕه‌سمه‌دا به‌شدار ببوون که بۆمبێکیان پێدا ته‌قییه‌وه.

وه‌زاره‌تی ناوخۆی عێراقی ئاشکرای کردووه، ته‌قینه‌وه‌که به‌هۆی ئۆتۆمبێلێکی بۆمبڕێژکراو بووه و که‌سێکی خۆکوژ به ئۆتۆمبێله بۆمبڕێژکراوه‌که‌ی خۆی به حه‌شامه‌ته‌که‌دا کردووه و خۆی ته‌قاندۆته‌وه.