ڕێکخراوی قاعیده‌ بەلێن دەدات بەشەڕێکى نوێ لە عیراق دژى داگیرکارى سەفەویەکان

قسەکەرى فەرمى به‌ناو دەوڵەتى عیراقى ئیسلامى(ابو محمد العدنانى)لە کاسێتیکى دەنگى دا،کە لە دواى کشانەوەى هێزەکانى ئەمەریکا لەعیراق ئەمە بۆیەکەم جارە بڵاو ببێتەوە،کە لە سەر ماڵپەرێکى سەر بە ڕێکخراوە ئیسلامیەکە بڵاو کراوەتەوە،بەلێنى شەڕێکى نوێ دەدات لە عیراق لەدژى داگیرکارى سەفەوى ئێرانى و دەڵێت:ئەوانەى پێیان وایە کە هیچ بەهانەیەکى شەرعى نەماوە بۆ شەڕ دواى ئەوەى کە هێزى داگیرکارى ئەمەریکا(بەپێى گوتنەکانى ئەو)لە عیراق دەرچوو ئەوا بەهەڵە چوون،ئێستا کاتى شەڕى راستەقینەیە لەبەر ئەوەى داگیرکارى ئێرانى سەفەوى هیچى کەمتر نیە لە داگیرکارى ئەمەریکى سەلیبى و لێرە بەدواوەش ئامانجە ئێرانیەکان دەکەینە ئامانجى شەڕى نوێمان.جێى ئاماژەیە بڵاو بوونەوەى ئەم کاسێتەى ڕێکخراوی بە ناو دەوڵەتى ئیسلامى لە عێراق لە دواى ئەو بارگرژیە دێت کە ئێستا لە نێوان سوونە وشیعەکانى عیراق دەستى پێ کردووە و هەریەکە لە ئێران و تورکیاش بەشێوەى راستەو خۆ و ناراستەوخۆ لێدوان لەبارەى رەوشى ناوەخۆى عیراق دەدەن .