مهسروور بارزانی پێشوازی له شاندێكی باڵیۆزخانهی روسیای فیدراڵ له بهغدا كرد
ئێوارهی ئهمرۆ مهسروور بارزانی به ئامادهبوونی هێمن ههورامی ئهندامی سهركردایهتی پارتی و بهرپرسی پهیوهندیهكانی دهرهوه، پێشوازیان كرد له شاندێكی باڵیۆزخانهی وڵاتی روسیای فیدراڵ له عیراق كه پێك هاتبوو له بهرێزان ڤالیری شوڤایێڤ باڵیوزی روسیا له بهغدا و ڤالیری پوسپێلوف كونسولی گشتی روسیا له ههرێمی كوردستان.
سهرهتا مهسروور بارزانى خۆشحاڵی خۆی بهم سهرهدانه دهربری و هیوای خواست پهیوهندییهكانی دووقوڵی ههردوولا له ئاستی حهز و بهرژهوهندییه باڵاكانی ههردوو گهلانی رووسیا و كوردستاندا بن، به تایبهتی مێژوویهكی دۆستایهتی كۆن لهنێوان سهركردایهتی شۆرشی كورد و گهل و سهركردایهتی رووسیای فیدراڵ ههیه.
لای خۆیانهوه شاندی میوان خۆشحاڵیان بهم سهردانه دهربری و سوپاسی مهسروور بارزانییان كرد بۆ ئهو پێشوازییه گهرمه و تهئكید له ئاستی بهرزی پهیوهندییهكانی دووقۆڵی ههردوولا كرایهوه كه دهگهرێنهوه سهرهدهمی شۆرشی كۆنی كورد به رابهرایهتی بارزانی نهمر و هیوای خواست كه له داهاتوودا ئهم مێژووه كۆنه ببێته فاكتهرێكی پڕ بههێز بۆ ههردوولا لهپێناو پێشخستن و بهرهوپێشبردن و پهرهپێدانی پهیوهندیهكانی دۆستایهتی ههردوو گهلانی كوردستان و رووسیای فیدراڵ.
ههروهها شاندی ناوبراو شادبوونی خۆیان بۆ ئاستی كاركردنی ستافی كونسڵخانهكهیان له ههرێمی كوردستان دهربری كه هاوكاری و ههماههنگیهكی باشیان لهگهڵ كراوه بۆ ئاسانكارییان له ههموو بوارێكهوه ، ئهوهش به بۆچوونیان دهگهرێتهوه بۆ ئاستی وشیاری و پێگهیشتویی گهلی كورد و سهركردایهتی سیاسی كوردستان و سهرسامیی خۆیان دهربڕی بهرامبهر ئاستی بهرزی ئهمن و ئاسایش له ههرێمی كوردستان و دهستخۆشیان له مهسروور بارزانى كرد كه توانیویانه لهم ههلومهرجه ناسكهدا كه وڵاتی عیراق و ناوچهكهى پێدا تێدهپهڕێت ئهم ئهركه قورسه به سهركهوتوویى به ئهنجام بگهیهنن.
له تهوهرێكى دیكهى دیدارهكهدا، ههردوولا لهسهر ڕهوشی ئهمن و ئاسایش له عیراق و ههرێم و مهسهله پهیوهندیدارهكان گفتووگۆیان كرد و شاندی باڵیوزخانهی روسیای فیدراڵ رۆڵی سهركردهكانی كورد بهگشتی و سهروك بارزانی به تایبهتی به گرنگ وهسفیان كرد له پێناو پاراستنی رێرهوی پروسهی دیموكراسی له عیراق و ڕاگرتنی باڵانسی هێزه سیاسی و مهزههبی و نهتهوه جوداكانی عیراقی نوێ ، ههروهها خۆشحاڵیان دهربری بهرامبهر ئاستی بهرزی پهیوهندیهكانی دووقۆڵی ههردوولا و بهناوی حكومهت و گهلی رووسیای فیدراڵ هیوای پێشكهوتن و ژیانێكی بهختهوهرتریان بۆ گهلی كورد خواست.
شایهنی باسه باڵیۆزی روسیای فیدراڵ له عیراق كارهكانی به كۆتایی هاتن و به مهرهمی خاترخواستن و ئاگاداركردنهوه سهردانی مهسروور بارزانى كرد.
- سوریا.. له خۆپیشاندان و توندوتیژییهكانی ئهمرۆدا ژمارهى كوژراوان گهیشته 50 كهس
- ههولێر.. ئاههنگى یادى 59 ساڵهى دامهزراندنى (ى.ق.ك) بهڕێوهچوو
- كۆبوونهوهی لیژنهی ئامادهكاری دیدارى نیشتیمانى عێراق بۆ دووشهممهی داهاتوو دواخرا
- ههولێر .. كۆمیسیۆنى ههڵبژاردن خشتهى كارهكانى بۆ ههڵبژاردنى ئهنجوومهنى پارێزگاكان راگهیاند
- سووریا... زیاتر لە 100 کەس کوژراون و دەنگۆیش هەیە ئەمەریکا چەک بە ئۆپۆزسیۆن بدات
- هاوپەیمانیی كوردستانی: لەبارەی نەوتەوە ڕێككەوتنی نهێنی لە نێوان هەولێر و بەغدادا نییە
- وەزیرى پەروەردە بەجیا پێشوازی لە شاندێکى باڵاى کۆمپانیای سابیس ولێژنەى رۆشنبیریی پەرلەمان و سەندیکاى هونەرمەندانى کوردستان دەکات
- بروسکهی سهرهخۆشی بوهاوکارمان ههڤالمان کاک وهحید تروانشی
- قوتابیانی زانكۆی دهۆك تیرۆركردنی مامۆستا (سهگڤان جهمیل)یان ئیدانهكرد
- له رۆژی جیهانیی زمانی دایك سهرۆكایهتی پهرلهمانی كوردستان راگهیهنراوێكی بهم بۆنهوه بڵاوكردهوه
| Copyright © 2005 - qallat.org By Rashid Botani |