سه‌رۆكى هه‌رێمى كوردستان پێشوازی له‌ باڵیۆزى رووسیا له‌ عێراق ده‌كات

ئه‌مرۆ چوارشه‌ممه‌ 25/1/2012 به‌رێز مسعود بارزانى سه‌رۆكى هه‌رێمی كوردستان له‌ سه‌ڵاحه‌دین پێشوازیكرد له‌ به‌رێز ڤالێریان شوڤایڤ باڵیۆزى رووسیا له‌ عێراق به‌ بۆنه‌ى كۆتایى هاتنى ئه‌ركه‌كه‌ى .

له‌ دیدارێكدا كه‌ به‌رێز ڤالێرى پۆسپیلۆڤـ كونسوڵى گشتى رووسیا له‌ هه‌رێمى كوردستان ئاماده‌ى بوو ، باڵیۆزى رووسیا ، سوپاسى سه‌رۆك بارزانى كرد له‌ هاوكاری كردنى له‌ ماوه‌ى به‌ جێگه‌یاندنى ئه‌ركه‌كه‌ى له‌ عیراقدا و رۆڵى به‌رێزیشیانى به‌رزنرخاند له‌ په‌ره‌پێدانى په‌یوه‌ندی نێوان هه‌ر دوولا و هه‌روا له‌ سه‌رخستنى پرۆسه‌ى سیاسى عیراق و كۆكردنه‌وه‌ى لایه‌نه‌ ناكۆكه‌كان .

له‌ به‌رامبه‌ردا ، سه‌رۆك بارزانى سوپاسى هه‌وڵه‌كانى باڵیۆزى كرد له‌ په‌ره‌پێدانى په‌یوه‌ندییه‌كان و هیواى سه‌ركه‌وتنیشى بۆ خواست له‌ كارى داهاتوویدا.