هه‌ولێر.. لیژنه‌یه‌كى هاوبه‌شى (پ.د.ك) و (ی.ن.ك) كۆبووه‌وه‌

ل سه‌لاحه‌دینێ كومیته‌یه‌كه‌ هه‌ڤبه‌شا هه‌ردوو مه‌كته‌بێن سیاسى یێن یه‌كێتیا نیشتمانیا كوردستان و پارتیا ده‌مۆكراتا كوردستانێ ب سه‌رپه‌رشتیا فازل میرانی و مه‌لا به‌ختیار جڤیان.

له‌ كۆبوونه‌وه‌كه‌دا ، پرۆژه‌ى ڕوانگه‌ى هاوبه‌شى هه‌ردوولا تاوتوێ كرا كه‌ له‌ دوو مانگى رابردوو دا له‌ لایه‌ن كۆمسیۆنى پسپۆرى جیاجیاوه‌ ئاماده‌ كراوه‌ سه‌باره‌ت به‌ ئه‌گه‌ره‌ جیاجیاكانى جیهان و ناوچه‌كه‌ و عێراق و كوردستان . 

له‌و باره‌یه‌وه‌ كۆبوونه‌وه‌ پرۆژه‌ ئاماده‌كراوه‌كانى به‌ باشى نرخاند و بریاریشى دا كه‌ له‌ كۆبوونه‌وه‌یه‌كى هاوبه‌ش و فراوانى هه‌ردوو مه‌كته‌بى سیاسى دوا قه‌ڵه‌م كارییه‌كانى له‌ سه‌ر ئه‌نجام بدرێ ، وه‌ك دید و نه‌خشه‌ ڕێگایه‌كى هاوبه‌شى هه‌ردوولا په‌سه‌ند بكرێ . له‌ ته‌وه‌رێكى ترى كۆبوونه‌وه‌كه‌دا ژماره‌یه‌ك بابه‌تى په‌یوه‌ست به‌ پرۆسه‌ى ئاڵوگۆرى پۆسته‌كان و پێكهێنانى كابینه‌ى نوێ ى حكومه‌تى هه‌رێم باسیان لێوه‌كرا و بیروبۆچوون و سه‌رنجه‌كان له‌و باره‌وه‌ ئاڵوگۆركران و ، سه‌رجه‌م بۆ ئه‌وه‌ بوو كه‌ له‌ چوارچێوه‌ى هاوپه‌یمانێتى نێوان هه‌ردوولا دا پرۆسه‌كه‌ ئه‌نجام بدرێ . 

ئه‌مه‌ش بۆ ئه‌وه‌ى زه‌مینه‌ى ده‌ساو ده‌ست كردنێكى نه‌رم و نیانى پۆسته‌كان بره‌خسێنرێ و ببێته‌ فاكته‌رو ده‌سپێكێكى كارا بۆ سه‌ركه‌وتنى كابینه‌ى نوێ ى حكومه‌تى هه‌رێم ، هه‌روه‌ها ببێته‌ هۆكارى پته‌وتركردنى په‌یوه‌ندى و هاوپه‌یمانى نێوان هه‌ردوولا ، هه‌روه‌ها كۆبوونه‌وه‌كه‌ به‌ پێویستى زانى كه‌ له‌ ماوه‌ى ئه‌م چه‌ند هه‌فته‌یه‌دا كۆبوونه‌وه‌كانى نێوان هه‌ردوو مه‌كته‌بى سیاسى چڕو پڕتر بكرێن.