کورد ئایدڵ لایەنگرانی ئاشتی تووڕە دەکات

Decrease font Enlarge font قەبارەی فۆنت
image

شەوی رابردوو قۆناغی بەر لە کۆتایی کورد ئایدڵ لە تەلەڤزیۆنی کوردسات بەرێوە چوو و بەهۆی دەرنەچوونی چەند بەشداربوویەک لەو بەرنامەیەدا کۆمەڵێک رەخنەی جۆراوجۆر لە تۆڕە کۆمەڵایەتییەکانەوە رووبەڕووی ئامادەکار و ئەندامانی لیژنەی هەڵسەنگاندنی ئەو بەرنامەیە بوویەوە.

 

کورد ئایدڵ یەک لەو بەرنامە هونەریانەی کەناڵی کوردساتە کە سەرنجی زیاترین بینەری لە هەرچوار پارچەی کوردستان بۆلای خۆی راکێشاوە، لەو بەرنامەیەدا دەنگخۆشی هەرچوار پارچەی کوردستان بەشدارن و لە قۆناغی بەر لە کۆتاییدا لەکۆی زیاتر لە 200بەشداربوو نۆ بەشداربوو مانەوە و شەوی رابردو سێ کەس لەو بەشداربوانە لە بەرنامەکە دەرکران و بۆ قۆناغی کۆتایی بەرنامەکە کە بڕیارە هەفتەی داهاتوو بەڕێوە بچێت، شەش بەشداربوو رکابەری بۆ ئادڵی کورد دەکەن.

 

لەدوای بڕیاری دوور خستنەوەی هەریەک لە تانیا ئاسۆ، ئاشتی عەزیز و زێرەڤان جاسم، لە قۆناغی بەر لە کۆتایی پرۆگرامەکە، لەسەر پەیجی فەرمی کورد ئایدڵ لە تۆڕی کۆمەڵایەتی فەیسبووک، رەخنەیەکی زۆر رووبەڕووی بەرپرسانی کوردسات و لیژنەی داوەرانی ئەو بەرنامەیە کرایەوە بەوەی شارچێتی و ناوچەگەرێتی لە هەڵبژاردنی کەسەکاندا کراوە لە دەرچوونیان بۆ قۆناغی کۆتایی و زۆربەی رەخنەگرەکان دانیشتووی هەولێر بوون و پێیان وابوو ئاشتی عەزیز بە بڕیاری پێشوەختە لەو بەرنامەیە دوور خراوەتەوە.

هاوڵاتییەک بەناوی روخسار عومەر لە پەیجی فەرمی کورد ئایدڵ لەژێر هەواڵی دوور خستنەوەی ئاشتی عەزیز نووسیویەتی، لەهەموو هەفتەکانی رابردوو ئاشتی لە ریزبەندی یەکەم بوو، خێر بوو ئەمشەو لەناکاو  رێژەی دەنگەکانی کەمی کرد و کەوتە دواوەی دواوە، ئەگەرچی زۆربەی ئەو کۆمێنتانەی لەژێر وێنەی ئاشتی نووسراوە زیاتر لایەنێکی سۆزداری پێوەیە و پێشاندەری خۆشەویستییانە بۆ ئەو گەنجە دەنگخۆشە، بەڵام بە روویەکی تری بابەتەکەدا ئەو هەڵچوونەیش بەشێکە لە دیاردەی شارچێتی کە بە درێژایی سەدەیەک لە هۆشیاری سیاسیی و خەباتی رزگاریخوازی لە کوردستان ئەو تۆوە لە لایەن رژێمە جۆراوجۆرەکانی ناوەندەوە لە نێوان شار و پارێزگاکانی کوردستان چێندراون بۆ پەرتەوازەکردن و نایەکبوونی کورد.


هەرچەند تا ئێستە ستاف و بەڕێوەبەرانی کورد ئایدڵ لەو بارەوە هیچ لێدوانێکیان نەداوە، بەڵام هەندێک لەو رەخنانەی رووبەڕووی ئەو کەناڵە دەبنەوە شایستەی ئەوەن کورد ئایدڵ روونکردنەوەی هەبێت بۆیان و وەڵامیان بداتەوە، لەبەر ئەوەی کورد ئایدڵ هۆکار بوو بۆ ئەوەی گەنجێکی دەنگخۆشی شاری هەولێر هەلی دەرکەوتنی بۆ بڕەخسێت و بە خێراییەکی چاوەڕوان نەکراو ژمارەیەکی زۆر جەماوەر لەدەوری خۆی کۆ بکاتەوە.

  • پۆستکردنی بۆ هاورێیکەت پۆستکردنی بۆ هاورێیکەت
  • چابکردن چابکردن