ئەحمەد کانى خانەوادەى شەهید فاتیح زرارى بەسەر دەکاتەوە

Decrease font Enlarge font قەبارەی فۆنت
image

لە چوارچێوەى بەسەرکردنەوەى خانەوادەى شەهیدانى سەربەرزى کوردستان،بەرپرسى لقى دوو خانەوادەى شەهید فاتیح زرارى لەشارى هەولێر بەسەر کردەوە.
ئێوارەى ئەمڕۆ یەکشەممە 6 ى ئابى2017،بەڕێز ئەحمەد کانى ئەندامى ئەنجوومەنى سەرکردایەتى و بەرپرسى لقى دووى پارتى دیموکراتى کوردستان سەردانى خانەوادەى شەهید فاتیح زرارى کارگێڕى ناوچەى برایەتى سەر بە لقى دوو کرد کە لە کردەوە تیرۆریستیەکى یەکى شوباتى ساڵى 2004 لەنێو بارەگاى لقى دوو لەگەڵ پۆلێک سەرکردەى قارەمان و کادیرى دڵسۆز و هاوڵاتى سڤیل شەهید بوو،لەلایەن فوئاد و فریادى کوڕانى شەهید و خێزانى شەهید بە گەرمى پێشوازیان لێکرا.
لەو سەردانەدا بەرپرسى لقى دوو لە ژیان و گوزەرانى خانەوادەى شەهیدى پرسیەوەو ئامادەیى هەموو هاوکارى و پشتیوانیەکى بۆ دووپات کردنەوە،هاوکات بەرپرسى لقى دوو ئازادى و سەربەخۆیى کوردستانى بە بەرهەمى خوێنى پیرۆزى شەهیدانى کوردستان زانى لەگەڵ قارەمانیەتى و نەبەردى پێشمەرگە و گوتى:" ئەو گەلە هەر سەردەکەوێ کە خاوەنى سەدان هەزار شەهید بێ و مێژووى پڕ سەروەرى بێت لە خەبات و تێکۆشان و قوربانیدان.
بەرپرسى لقى دوو داواى لە خانەوادەى شەهید کرد ڕۆژى 25 ى ئەیلوول بکەنە کەرنەڤاڵى ئازادى یەکجارەکى و ڕۆحى شەهیدەکانیان ئاسوودە بکەن بە دەنگدان بۆ سەربەخۆیى کوردستان،خانەوادەى شەهیدیش بەڵێنیاندا بۆ خوێنى شەهیدەکانیان و ئەو خاکەش وەفادار بن کە شەهیدەکانیان خوێنیان بۆ ڕشت،پێشەنگ بن لە ڕۆژى 25 ى ئەیلوول و بە بەڵێ بۆ سەربەخۆیى کوردستان ڕۆحى شەهیدەکانیان ئاسوودە بکەن.

  • پۆستکردنی بۆ هاورێیکەت پۆستکردنی بۆ هاورێیکەت
  • چابکردن چابکردن