ئەحمەد کانى خانەوادەى هەردوو شەهیدى ڕاگەیاندنکارى برا ئەیوب و غەریب بەسەر دەکاتەوە

Decrease font Enlarge font قەبارەی فۆنت
image

لە بەردەوامى بەسەر کردنەوەى خانەوادەى سەربەرزى شەهیدانى کوردستان،بەرپرسى لقى دوو خانەوادەى هەردوو شەهیدى برا و ڕاگەیاندکار ئەیوب و غەریب محەمەد ساڵحى لە شارى هەولێر بەسەر کردەوە.
ئێوارەى ئەمڕۆ یەکشەممە 30 ى تەمموزى 2017،بەڕێز ئەحمەد کانى ئەندامى ئەنجوومەنى سەرکردایەتى و بەرپرسى لقى دووى پارتى دیموکراتى کوردستان بە یاوەرى سەنگەر کانەبى گەورە کارگێڕى لقى دوو،سەردانى خانەوادەى هەردوو شەهیدى ڕاگەیاندنکار و  برا ئەیوب و غەریب محەمەد ساڵحى بەسەر کردەوە کە لە ڕۆژى یەکەمى جەژنى قوربانى پیرۆز لە یەکى شوباتى ساڵى 2004 لەگەڵ پۆلێک سەرکردەى قارەمان و کادیرى دڵسۆز و خەڵکى سڤیل لەنێو بارەگاى لقى دووى پارتى دیموکراتى کوردستان شەهید بوون،لەلایەن سادق محەمەد ساڵحى براى هەردوو شەهید و مستەفاى کوڕى شەهید ئەیوب و دایکى هەردوو شەهید پێشوازیەکى گەرمیان لێکرا.
لەو سەردانەدا بەرپرسى لقى دوو لە ژیان و گوزەرانى خانەوادەى شەهیدى پرسیەوەو ئامادەیى هەموو هاوکارى و پشتیوانیەکیشى بۆ دووپات کردنەوە.
بەرپرسى لقى دوو  باسى ڕۆڵى هەردوو شەهیدى براى کرد لەنێو ڕاگەیاندنى کوردستاندا کە جێى پەنجەیان هەمیشە دیار بوو،محەمەد ساڵحى باوکیشیانى بە پێشمەرگەیەکى نەبەرد وەسفکرد کە بەدرێژایى ژیانى خزمەتى پێشمەرگەو شۆِرشى  کوردستانى کرد وەک دکتۆرێک لەو کاتەدا هەتاوەکو کۆتاییەکانى ژیانیشى دڵسۆزى ڕیبازەکەى بوو.
بەرپرسى لقى دوو گوتى:"جێى شانازی و سەربڵندیەکى گەورەیە لە خانەوادەیەکدا دوو ڕۆڵەى شەهید و باوکێکى پێشمەرگە هەبووبن کە تەواوى ژیانیان خەبات کردن بوو بە دۆزى ڕەواى گەلەکەیان،ئێستاش ڕۆڵەى دیکەیان ماوە کە درێژە پێدەرى هەمان ڕێبازن و هەمان ڕۆحى نیشتیمان پەروەریان هەیە،داواى لێکردن 25 ى ئەیلوول بکەن بە کەرناڤاڵى سەرکەوتنى یەکجارەکى و ڕۆحى شەهیدەکانیان ئاسوودە بکەن بەوەى لەو ڕۆژەدا بە بەڵێ دەنگ بۆ سەربەخۆیى کوردستان بدەن.
خانەوادەى شەهید بەڵێنیاندا درێژە پێدەرى ڕێبازى شەهیدەکانیان بن و بە ڕۆح و بە گیان لەگەڵ ئەو وڵاتە بن کە خوێنى ڕۆڵەکانیان بۆى بەخشیوە.

  • پۆستکردنی بۆ هاورێیکەت پۆستکردنی بۆ هاورێیکەت
  • چابکردن چابکردن