ئەحمەد کانى خانەوادەى شەهید شوان پەنچەرچى بەسەر دەکاتەوە

Decrease font Enlarge font قەبارەی فۆنت
image

لەبەسەرکردنەوەى خانەوادەى شەهیدان،بەرپرسى لقى دوو دووپاتى ئەوە دەکاتەوە کە بە دەنگدان بۆ سەربەخۆیى کوردستان لە 25 ى ئەیلوولى داهاتوو هەمووان دەتوانن ڕۆحى شەهیدەکان ئاسوودە بکەن.
ئێوارەى ئەمڕۆ پێنج شەممە 27 ى تەمموزى 2017،بەڕێز ئەحمەد کانى ئەندامى ئەنجوومەنى سەرکردایەتى و بەرپرسى لقى دووى پارتى دیموکراتى کوردستان بە یاوەرى بەڕێز حەکیم و هەڤاڵانى لیژنەى ناوچەى ڕزگارى،سەردانى خانەوادەى شەهید شوان پەنچەرچى لە شارى هەولێر کرد کە لە کردەوە تیرۆریستیەکەى ڕۆژى یەکەمى جەژنى قوربان لە یەکى شوباتى 2004 لەگەڵ پۆلێک سەرکردەى قارەمان و کادیرانى دڵسۆز و هاوڵاتیانى سڤیل لە لقى دووى پارتى دیموکراتى کوردستان شەهید بوو،لە لایەن پێشڕەو و مستەفاى هەردوو کوڕى شەهید شوان و خێزانى شەهید پێشوازى گەرمیان لێکرا.
لەو سەردانەدا بەرپرسى لقى دوو لە ژیان و گوزەرانى خانەوادەى شەهیدى پرسیەوە جەختى لەوە کردەوە کە هەرچى بۆ خانەوادەى شەهیدان بکرێت کەمەو ناگا بە دڵۆپە خوێنێکى شەهید،دووپاتى ئەوەشى کردەوە کە بەرهەمى خوێنى شەهیدان و تێکۆشانى پێشمەرگە قارەمانەکانە ئەمڕۆ کوردستان هەنگاو بۆ سەربەخۆیى یەکجارەکى هەڵدەگرێ.
بەرپرسى لقى دوو داواى لە خانەوادەى شەهید کرد بە جۆش و خرۆشەوە ڕۆژى 25 ى ئەیلوولى داهاتوو بەشدارى گشتپرسى بکەن و  وەک وەفا نواندێک بۆ خوێنى شەهیدانى کوردستان دەنگ بە سەربەخۆیى یەکجارەکى کوردستان بدەن.
خانەوادەى شەهیدیش بەڵێنى ئەوەیاندا درێژە پێدەرى دڵسۆزى و وەفادارى شەهید بن بۆ خاک و وڵات و گەلەکەیان و لە  ڕۆژى مێژوویی 25 ى ئەیلوول پێشەنگ بن لە دەنگدان بۆ سەربەخۆیى و لە پێشەوەى هەموواندا بن.

  • پۆستکردنی بۆ هاورێیکەت پۆستکردنی بۆ هاورێیکەت
  • چابکردن چابکردن