بە ئامادەبوونى خانەوادەى شەهید... لقى دوو یادى شەهید خەیرولڵا عەبدولکەریمى کردەوە

Decrease font Enlarge font قەبارەی فۆنت
image

لە ڕێوڕەسمێکدا لیژنەى ناوچەى قەڵاتى سەر بە لقى دوو یادى شەهیدى کۆمارى کوردستان خەیرولڵا عەبدولکەریم و هەڤاڵانى کردەوە.
ئەمڕۆ 19 ى حوزەیرانى 2017،لقى دووى پارتى دیموکراتى کوردستان،بە ئامادەبوونى خانەوادەى شەهید و ئەحمەد کانى ئەندامى ئەنجوومەنى سەرکردایەتى و بەرپرسى لقى دوو و نەوزاد هادى پارێزگارى هەولێر و ئومێد خۆشناو سەرۆکى فراکسیۆنى پارتى لە پەرلەمانى کوردستان و بەرەڤان حەمدى بەڕێوەبەرى گشتى وەزارەتى شەهیدان ،ڕێوڕەسمێکى بۆ یادکردنەوەى هەر چوار ئەفسەرى شەهیدى کۆمارى کوردستان خەیرولڵا عەبدولڵا کەریم و محەمەد قودسى و مستەفا خۆشناو و عزەت عەبدولعەزیز لە نزیک پەیکەرى شەهید خەیرولڵا عەبدولکەریم لە شارى هەولێر کردەوە.
مەراسیمەکە بە خوێندنەوەى چەند ئایەتێک لە قورئانى پیرۆز و مارشى ئەى ڕەقیب و خوێندنەوەى سورەتى فاتیحە دەستى پێکرد،لە وتەى پێشوازیشدا،ئارى نانەکەلى کارگێڕى لقى دوو و بەرپرسى مەکتەبى ڕاگەیاندن ڕێکخستنى ئەو مەراسیمەى بە ڕێز گرتن لە خەبات و قوربانیدانى ئەو شۆِرشگێڕە مەزنانە وەسفکرد.
دواتر بەڕێز ئەحمەد کانى ئەندامى ئەنجوومەنى سەرکردایەتى و بەرپرسى لقى دوو لە وتەیەکدا گوتى:"سەرفرازیە لەبەردەم پەیکەرى شەهیدێکى قارەمان و خەباتگێڕێکى نیشتیمانپەروەرو نەتەوەپەرستى شارەکەمان و کوردستان و هەڤاڵانى بکەینەوە.
بەرپرسى لقى دوو باسى مێژووى خەبات و تێکۆشانى چوار ئەفسەرە شەهیدەکەى کۆمارى کوردستانى کرد لەتەک بارزانى نەمر و ئەو پشتیوانیە گەورەى بۆ شۆڕش هەیان بووە،سەربارى ڕۆڵى سەرەکیان لە کۆمارى کوردستان و دروستکردنى بنەماى ئەو کۆمارە.
ئەحمەد کانى پێى وابوو ڕۆژ لەدواى ڕۆژ ناوى ئەو شەهیدانە بەرز و مەزنتر دەبێت،هەمیشە بە شکۆوەش یادى قارەمانیەتى و تێکۆشان و خەباتیان دەکرێتەوە،بۆیە ئەوان هەمیشە زیندوون و ناویان ون نابێت.
دواتر تاجە گوڵینە لەلایەن ئامادەبووانەوە لەسەر پەیکەرى شەهید خەیرولڵا عەبدولکەریم داندرا.

 

  • پۆستکردنی بۆ هاورێیکەت پۆستکردنی بۆ هاورێیکەت
  • چابکردن چابکردن