ئەحمەد کانى:"کوردستان وڵاتى پێکەوە ژیانى ئاشتى و برایانەى پێکهاتەو نەتەوە جیاوازەکانە

Decrease font Enlarge font قەبارەی فۆنت
image

ئایندەى کوردستان و بەشدارى تەواوى پێکهاتەو نەتەوە جیاوازەکان لە ڕیفراندۆمى 25 ى ئەیلوول،تەوەرى سەرەکى گفتوگۆکانى نێوان بەرپرسى لقى دووى پارتى دیموکراتى کوردستان و شاندێکى پیاوانى ئایینى و ڕۆشنبیرى ئەرمەنى بوو لە هەولێر.
ئەمڕۆ 19 ى حوزەیرانى 2017،بەڕێز ئەحمەد کانى ئەندامانى ئەنجوومەنى سەرکردایەتى و بەرپرسى لقى دووى پارتى دیموکراتى کوردستان بە ئامادەبوونى ئانۆ عەبدۆکە بەرپرسى لیژنەى ناوچەى عەنکاوە،پێشوازى لە شاندێکى پیاوانى ئایینى و ڕۆشنبیرى ئەرمەنى کە پێکهاتبوون لە بەڕێزان قەشە ئارتون خەلاتیان،شوانى کڵێساى ئەرمەنى ئارتودۆکس لە هەولێر و ئەندامانى ئەنجوومەنى تائیفەى ئەرمەنى و نوێنەرانى کۆمەڵەى ڕۆشنبیرى ئەرمەنى لە هەولێر کرد.
لەو دیدارەدا هەردوو لا باسى پێکەوە ژیانى  ئاشتى و برایانەى پێکهاتەو نەتەوەو ئایینە جیاوازەکانى هەرێمى کوردستانیان کرد و ئەو پەیوەندییە مێژوویى و دێرینەى بنەماڵەى بارزان و ئەرمەنەکان کرا کە بۆتە کۆڵەگەى دروستبوونى وڵاتێکى نموونەیى لە ناوچەکە.
 هەروەها باسى پەیوەندیەى دێر زەمانەى کورد و ئەرمەنەکان کرا کە هەردوو نەتەوەى لە وڵاتێک بە یەکەوە بەستۆتەوەو لەپێناو یەک ئامانج و مەبەستتدا تێدەکۆشن و خەبات دەکەن.
شاندى ئەرمەنیەکان باسى گرنگى بەهێزکردنى نوێنەرانى ئەرمەنیەکانیان کرد لە دام و دەزگاکانى حکومەتى هەرێمى کوردستان بۆ ئەوەى بتوانن خزمەتێکى زیاترى نەتەوەى ئەرمەن و هەرێمى کوردستانیش بە گشتى بکەن.
لەلای خۆیەوە بەرپرسى لقى دوو بوونى نەتەوە جیاوازەکانى لە هەرێمى کوردستان بە گرنگ زانى لەوەى هەمووان دەتوانن ئاییندەو چارەنووسى کوردستان دیارى بکەن لە ڕیفراندۆمى 25 ى ئەیلوول،لەو ڕیفراندۆمەشدا هەمووان دەنگ بۆ سەربەخۆیى کوردستان بدەن کە وڵاتى پێکەوە ژیانى هەمووانە و بۆتە نموونەیەکى جوان لە نێوان وڵاتانى دیکەدا.

  • پۆستکردنی بۆ هاورێیکەت پۆستکردنی بۆ هاورێیکەت
  • چابکردن چابکردن