خانەوادەی شەهیدان:"خوێنی شەهیدانی ئێمە بۆ سەربەخۆیی کوردستان بوو

Decrease font Enlarge font قەبارەی فۆنت
image

خانەوادەی شەهیدانی شەڕی دژ بە ڕێکخراوی تیرۆریستی داعش دەڵێن:"شەهیدانی ئێمە گیانی خۆیان بەخشی و خوێنیان بۆ سەربەخۆیی یەکجارەکی کوردستان ڕشت،ئێمەش درێژە پێدەری قوربانیدان و خەباتی ئەوان دەبین بەو دەنگەی ڕۆژی 25 ی ئەیلوول لە ڕیفراندۆمدا بۆ سەربەخۆیی کوردستان دەیدەین.

بۆ ئاگادار بوون لە ژیان و گوزەران و گوێگرتن لە کێشەو گرفت و داواکانی خانەوادەی شەهیدان،ڕۆژی 15 ی حوزەیرانی 2017 بەڕێز ئەحمەد کانی ئەندامی ئەنجوومەنی سەرکردایەتی و بەرپرسی لقی دووی پارتی دیموکراتی کوردستان بە یاوەری شاندێک کە پێکهاتبوون لە ئاری نانەکەلی و ئاریان سەڵاحەدین کارگێڕانی لق و سەنگەر کانەبی گەورە بەرپرسی لیژنەی ناوچەی برایەتی و کارگێڕی لقی دوو و ستافی لیژنەی ناوچە و بەرپرسی ڕێکخراوی سەر بە لیژنە ناوچە،بەپێی ئەو بەرنامەیەی لە مانگی پیرۆزی ڕەمەزان و بەر لە جەژنی ڕەمەزان داڕێژراوە بۆ لایی لێکردنەوەیان،سەردانی ژمارەیەک خانەوادەی شەهیدی سەربەرزی شەڕی دژ بە داعشی سنووری لقی دووی لە شاری هەولێر کرد.

لەو سەردانەدا بەرپرسی لقی دوو وێڕای ئەوەی لە ژیان و گوزەرانی خانەوادەی شەهیدەکانی پرسی،گوێی لە کێشەو گرفت و ئاریشەکانیشیان گرت و جەختی لەوە کردەوە لەگەڵ لایەنە پەیوەندیدارەکان کار بۆ چارەسەرکردنیان دەکەن،هەر لەو بەسەر کردنەوانەدا بەرپرسی لقی دوو باسی  هاتنە پێشەوەی پرسی ڕیفراندۆم و سەربەخۆیی کوردستان کرد  کە بەرهەمی چەندین ساڵەی خەبات و قوربانیدانی گەلی کورد و خوێنی شەهیدەکانی کوردستانە،پێی وابوو بەشداربوونی هەر تاکێکی کوردستان لەو پرۆسە مێژووییە،ئەرکێکی نیشتیمانی و نەتەوەیی و ئایینیە،چونکە دیاری کردنی ئاییندەو چارەنووسی کوردستان و گەلی کورد پەیوەستە بە هەموو کورد و هەموو خەڵکی کوردستان بە تەواوی پێکهاتەو نەتەوەو ئایینە جیاوازەکانیش کە بە هاوبەشی لەو وڵاتە دەژین،بەرپرسی لقی دوو گوتی:"سەربەخۆبوون مافی هەموو خەڵکی کوردستانە و پەیوەست نییە بە کەس و لایەنێک،بۆیە پشتیوانی کردن لەو پرۆسەیەو بەشداربوون تێیدا،دڵسۆزی نیشاندانە بۆ خاک و وڵات و قوربانیدانی شەهیدەکانمان.

خانەوادەی شەهیدانیش بەڵێنیاندا درێژەپێدەری خەبات و قوربانیدانی شەهیدەکانیان بن و ڕۆژی 25 ی ئەیلوول بە چوونە سەر سندوقی دەنگدان و دەنگدانیان بۆ سەربەخۆیی ،ڕۆحی شەهیدەکانیان ئاسوودە بکەن.

  • پۆستکردنی بۆ هاورێیکەت پۆستکردنی بۆ هاورێیکەت
  • چابکردن چابکردن