ئەحمەد کانی بۆ خانەوادەی شەهیدان:"ئێوە ئاییندەی گەشی کوردستان دروست دەکەن

Decrease font Enlarge font قەبارەی فۆنت
image

لەبەسەرکردنەوەی خانەوادەی سەربەرزی شەهیدانی شەڕی دژ بە داعش لە سنووری لقی دوو،ئەحمەد کانی گوتی:"لە 25ی ئەیلوول ئێوە ئاییندەی گەشی کوردستان دروست دەکەن.

بۆ ئاگادار بوون لە ژیان و گوزەران و گوێگرتن لە کێشەو گرفت و داواکانی خانەوادەی شەهیدان،ئەمڕۆ 14 ی حوزەیرانی 2017 بەڕێز ئەحمەد کانی ئەندامی ئەنجوومەنی سەرکردایەتی و بەرپرسی لقی دووی پارتی دیموکراتی کوردستان بە یاوەری شاندێک کە پێکهاتبوون لە هیوا جەوهەر قەهار و ساکار غازی کارگێڕانی لق و موەفەق پیرداود بەرپرسی لیژنەی ناوچەی ئازادی و عومەر خڕە بەرپرسی لیژنەی ناوچەی گوڵان و شوان وسو بەرپرسی لیژنەی ناوچەی قەڵای سەر بە لقی دوو و بەرپرسی ڕێکخراوەکانی سەر بە هەرسێ‌ لیژنە ناوچە،بەپێی ئەو بەرنامەیەی لە مانگی پیرۆزی ڕەمەزان و بەر لە جەژنی ڕەمەزان داڕێژراوە بۆ لایی لێکردنەوەیان،سەردانی ژمارەیەک خانەوادەی شەهیدی سەربەرزی شەڕی دژ بە داعشی سنووری لقی دووی لە شاری هەولێر کرد.

لەو سەردانەدا بەرپرسی لقی دوو لە ژیان و گوزەرانی خانەوادەی شەهیدەکانی پرسی و جەختی لەوە کردەوە کە هەرچی لە توانایاندا بێت بۆ خانەوادەی شەهیدان،وەک ئەرکی هەرە لەپێشەوەی سەرشانیان جێبەجێی دەکەن،وەک ئەبەرپرسی لقی دوو گوتی:" هاتنە پێشەوەی پرسی ڕیفراندۆم و سەربەخۆیی کوردستان بەرهەمی چەندین ساڵەی خەبات و قوربانیدانی گەلی کورد و خوێنی شەهیدەکانمانن،بە بەشداربوونمان لە کەرنەڤاڵی ڕیفراندۆم و دەنگدانمان بۆ سەربەخۆیی کوردستان،ڕۆحی شەهیدەکانمان ئایوودە دەکەین.

خانەوادەی شەهیدانیش بەڵێنیاندا درێژەپێدەری خەبات و قوربانی دانی شەهیدەکانیان بن و ڕۆژی 25 ی ئەیلوول بە چوونە سەر سندوقی دەنگدان و دەنگدانیان بۆ سەربەخۆیی ،بیکەن بە جەژنی گەورەی کوردستان.

ئەحمەد کانی وێڕای ئەوەی ڕۆڵی نیشتیمانپەروەرانەی پێشمەرگە قارەمانەکانی کوردستانی بە پیرۆز وەسفکرد لە پاراستنی خاکی پیرۆزی کوردستان و ئارامی و ئاسایشی هاوڵاتیانی،جەختیشی لەوە کردەوە کە ئەوان بەخوێنی خۆیان بوونە هۆکاری بەردەوامی و پاراستنی ئەو ئەزموونەی هەرێمی کوردستان کە  زیاتر لە 26 ساڵە کار بۆ بنیاتنانی دەکرێت.

بەرپرسی لقی دوو بە خانەوادەی سەربەرزی شەهیدانی گوت:"بەرهەمی خەبات و تێکۆشان و قوربانیدانی چەند ساڵەی گەلەکەمان بۆ سەربەخۆیی،لە ڕۆژی 25 ی ئەیلوول دەدورینەوە،دڵنیام ئێوە پێشەنگی دوورینەوەی ئەو بەرهەمە مێژووییە مەزنە دەبن.

  • پۆستکردنی بۆ هاورێیکەت پۆستکردنی بۆ هاورێیکەت
  • چابکردن چابکردن