ئەحمەد کانى بۆ خانەوادەى شەهیدان:"بە بەڵێ بۆ سەربەخۆیى کوردستان ڕۆحى شەهیدەکان ئاسوودە دەکەین

Decrease font Enlarge font قەبارەی فۆنت
image

خانەوادەى شەهیدانى شەڕى دژ بە داعش پشتیوانى خۆیان بۆ ڕیفراندۆمى 25 ى ئەیلوول و سەربەخۆیى کوردستان دەربڕى و پێیان وایە بە دەنگدانیان لەو ڕۆژەدا ڕۆحى شەهیدەکانیان ئاسوودە دەکەن.
بۆ ئاگادار بوون لە ژیان و گوزەران و گوێگرتن لە کێشەو گرفت و داواکانى خانەوادەى شەهیدان،ئەحمەد کانى ئەندامى ئەنجوومەنى سەرکردایەتى و بەرپرسى لقى دووى پارتى دیموکراتى کوردستان بە یاوەرى شاندێک کە پێکهاتبوون لە هەریەک عزەت جەعفەر و محەمەد خەلیل کارگێڕانى لق و هەڤاڵانى لیژنەى ناوچەى ڕزگارى سەر بە لقى دوو و بەرپرسى ڕێکخراوەکانى سەر بە لیژنە ناوچە،بەپێى ئەو بەرنامەیەى لە مانگى پیرۆزى ڕەمەزان و بەر لە جەژنى ڕەمەزان داڕێژراوە بۆ لایى لێکردنەوەیان،سەردانى خانەوادەى شەهیدانى سەربەرزى شەڕى دژ بە داعشى سنوورى لقى دووى لە شارى هەولێر کرد.
لەو سەردانەدا بەرپرسى لقى دوو لە ژیان و گوزەرانى خانەوادەى شەهیدەکانى پرسى و جەختی لەوە کردەوە کە هەرچى بۆ خانەوادەى شەهیدان بکرێت هێشتا هەر کەمە،چونکە بەرهەمى خوێنى ئەوان ڕیفراندۆم و سەربەخۆیى کوردستان بوو کە چەندین ساڵە گەلى کورد خەباتى بێ پچڕانى بۆ دەکات،خانەوادەى شەهیدانیش بەڵێنیاندا کە درێژەپێدەرى خەبات و قوربانی دانى شەهیدەکانیان بن و ڕۆژى 25 ى ئەیلوول  بچنە سەر سندوقەکانى دەنگدان و بە بەڵێ دەنگ بۆ سەربەخۆیى کوردستان بدەن.
ئەحمەد کانى ڕۆڵى نیشتیمانپەروەرانەى پێشمەرگە قارەمانەکانى کوردستانى بە پیرۆز وەسفکرد لە پاراستنى خاکى پیرۆزى کوردستان و ئارامى و ئاسایشى هاوڵاتیانى،جەختى لەوە کردەوە کە ئەوان بەخوێنى خۆیان بوونە هۆکارى بەردەوامى و پاراستنى ئەو ئەزموونەى هەرێمى کوردستان کە  زیاتر لە 26 ساڵە کار بۆ بنیاتنانى دەکرێت.
هاوکات بەرپرسى لقى دوو بۆ خانەوادەى شەهیدان جەختى لەوە کردەوە بە دڵسۆزیمان بۆ خاک و نیشتیمانەکەمان دەمانگەیەنێتە ئەو ئامانجە گەورانەى ساڵانێکە خەباتى بۆ دەکەین، ئەمجارەیان نەوەک لە شاخ،بەڵکو لەنێو شارداو لەسەر سندوقەکانى دەنگدان خەبات و نیشتیمانویستى خۆمان نیشانى هەموو دونیا دەدەین و ڕۆحى شەهیدەکانمان ئاسوودە دەکەین.

  • پۆستکردنی بۆ هاورێیکەت پۆستکردنی بۆ هاورێیکەت
  • چابکردن چابکردن